sanG bhi phenkta rehta hai kaheeN sahil se
aur pani maiN bhi halchal nahi hone deta
roz ik leher utha lata hai bekhawabi maiN
aur ankhhoN ko bhi bojhal nahi hone deta
dhoop bhi cha'oN bhi rakhta hai saroN per laikin
aasmaN per kahin badal nahi hone deta
phool hi phool khilata hai sar-e-shakh-wajood
aur khushboo ko musalsal nahi hone deta
aalam-e-zaat maiN darwaish bana deta hai
Ishq insaan ko paaGal nahi hone deta.
