Khabar tahayyur-e-ishq sun, na junooN rahaa, na parii rahii

Khabar tahayyur-e-ishq sun, na junooN rahaa, na parii rahii
na to tuu rahaa, na to maiN rahaa, jo rahii so beKhabarii rahii

shah-e-beKhudii ne ataa kiyaa mujhe ab libaas-e-barahnagii
na Khirad kii bakhiyaagiri rahii, na junooN kii pardadarii rahii

chalii simt-e-Ghaib se kyaa havaa ki chaman zahoor kaa jal gayaa
magar ek shaaKh-e-nihaal-e-Gham jise del kaho so harii rahii

voh ajab ghaDii thii maiN jsi ghaDii liya dars nuskha-e-ishq ka
ki kitaab aql kii taaq meN jooN dharii thii tyuuN dharii rahii

nazr-e-taGhaaful-e-yaar kaa gila kiz zubaaN se bayaaN karuuN
ki sharaab-e-sad qadah-e-Aarzoo khum-e-dil meN thii so bharii rahii

tere josh-e-hairat-e-husn ka asar is qadar se yahaaN huaa
ki na aaiine meN rahii jilaa, na parii ko jalvagarii rahii

kiyaa Khaak aatash-e-ishq ne dil-e-benavaa-e-Siraj ko
na Khatar rahaa, na hazar rahaa, magar ek beKhatarii rahii