Jab dakhil e bahisht Rasool e Khuda huwe
Ya’ni jahaan se rahiye maalik e baqa huwe
Mahzoon O dil malool Shahe laa fatah huwe
Sibtain gham mein nana ke sarf e buka huwe
Sadma har ek ko tha janaab e Rasool ka
Par haal e ghair sab se siwa tha Batool ka
Bistar se thar thara ke uthi thaam kar asaa
Qabr e Nabi pa fatiha na aakhri padha
Hamsaiyoon ke ghar gayeen rukhsat ko aur kaha
Lo sahibo bahal karo ab kooch hai mera
Izaa thi tum sabhoon ko mere shor o shain se
Kal Fatima na hoyegi tum sona chain se
Hamsa ye ke huqooq se aagaah hai jahaan
Logoon mere yateemo se rahna nigaahbaan
Ab saath un ka aur tumhara hai hum kahaan
Bin maa ki hoti hai meri dukhyaari betiyaan
Bachpan pe apne bachchon ke aasoon bahati hoon
Tum par Hasan Hussain ko mein chhorde jaati hoon
Ro kar kabhi Hasan ko galey se laga liya
Aaghoosh mein Hussain ko gaahe bitha liya
Rukhsat kiya kisi ko kisi ko bula liya
Padhne ke waastey kabhi quraan utha liya
Kahti thi gaah bachchon se munh apna modh kar
Kal suune ghar mein sona hai basti ko chordh kar
Sun lo wasiyaate meri is waqt yaa Imaam
Fizza se mere baad adalat se lena kaam
Hoshyaar Fatima ki amanat se subh o shaam
Dou betiyaan dou bete hain bas aur khuda ka naam
Mein ne badey dukhon se ye sab bachchey paaley hain
Haq ke hawaale tum ye tumhare hawaale hain
Sab haashmi qasam meri asmat ki khaate hain
Mujh ko arab ki rasam se andeshey aate hain
Aurat ka murdah takht par rakh kar uthaate hain
Aasaar is mein murdeh ke sab paaye jaate hain
Deti hoon mein qasam tumhein roohe Rasool ki
Waali na yoon uthaiyo mayyat batool ki
Hai aarzoo ke qabr mein mujhko Hasan litaaye
Shabbir mere murdeh ka munh qibla ko phiraaye
Phir khud kaha nahi nahi bachey hain darr na jaaye
Naagaah kheltey huwe dono yateem aaye
Chhaati laga ke boli ke lo hum tou martey hain
Tum se sulook dekhiye kya log kartey hain
Le kar balaaein beti ki Zahra ne ye kaha
Roti tou hoon zyaada na Zainab mujhe rula
Kuch bhaaiyon ke soomp gayi samjhi muddua
Tu unki roney wali hai Zahra tere fida
Kya bas mera jo marziye Parwardigaar hai
Zainab tamaam kunbe ki tu sogwaar hai
Ye kahti thi ke ghash ne diya maut ka payaam
Hujre se nikle rotey huwe aqruba tamaam
Tarteeb e na’sh ke liye bahar gaye Imaam
Zahra ne yaan musalle pe apna kiya maqaam
Likha hai bas namaaz isha ki ada huwi
Aur ghul utha ke binte Nabi ki qaza huwi
Maatha Hasan ne murdeh ke maathey pe rakh diya
Ro ro ke amma amma kaha aur ghash huwa
Talwon se apne maathey ko Shabbir ne mala
Paaon mein damm na paya tou ye kaan mein kaha
Mein aap ka ghulaam hoon aur noor e ain hoon
Awaaz dou Hussain hoon amma Hussain hoon
Ya’ni jahaan se rahiye maalik e baqa huwe
Mahzoon O dil malool Shahe laa fatah huwe
Sibtain gham mein nana ke sarf e buka huwe
Sadma har ek ko tha janaab e Rasool ka
Par haal e ghair sab se siwa tha Batool ka
Bistar se thar thara ke uthi thaam kar asaa
Qabr e Nabi pa fatiha na aakhri padha
Hamsaiyoon ke ghar gayeen rukhsat ko aur kaha
Lo sahibo bahal karo ab kooch hai mera
Izaa thi tum sabhoon ko mere shor o shain se
Kal Fatima na hoyegi tum sona chain se
Hamsa ye ke huqooq se aagaah hai jahaan
Logoon mere yateemo se rahna nigaahbaan
Ab saath un ka aur tumhara hai hum kahaan
Bin maa ki hoti hai meri dukhyaari betiyaan
Bachpan pe apne bachchon ke aasoon bahati hoon
Tum par Hasan Hussain ko mein chhorde jaati hoon
Ro kar kabhi Hasan ko galey se laga liya
Aaghoosh mein Hussain ko gaahe bitha liya
Rukhsat kiya kisi ko kisi ko bula liya
Padhne ke waastey kabhi quraan utha liya
Kahti thi gaah bachchon se munh apna modh kar
Kal suune ghar mein sona hai basti ko chordh kar
Sun lo wasiyaate meri is waqt yaa Imaam
Fizza se mere baad adalat se lena kaam
Hoshyaar Fatima ki amanat se subh o shaam
Dou betiyaan dou bete hain bas aur khuda ka naam
Mein ne badey dukhon se ye sab bachchey paaley hain
Haq ke hawaale tum ye tumhare hawaale hain
Sab haashmi qasam meri asmat ki khaate hain
Mujh ko arab ki rasam se andeshey aate hain
Aurat ka murdah takht par rakh kar uthaate hain
Aasaar is mein murdeh ke sab paaye jaate hain
Deti hoon mein qasam tumhein roohe Rasool ki
Waali na yoon uthaiyo mayyat batool ki
Hai aarzoo ke qabr mein mujhko Hasan litaaye
Shabbir mere murdeh ka munh qibla ko phiraaye
Phir khud kaha nahi nahi bachey hain darr na jaaye
Naagaah kheltey huwe dono yateem aaye
Chhaati laga ke boli ke lo hum tou martey hain
Tum se sulook dekhiye kya log kartey hain
Le kar balaaein beti ki Zahra ne ye kaha
Roti tou hoon zyaada na Zainab mujhe rula
Kuch bhaaiyon ke soomp gayi samjhi muddua
Tu unki roney wali hai Zahra tere fida
Kya bas mera jo marziye Parwardigaar hai
Zainab tamaam kunbe ki tu sogwaar hai
Ye kahti thi ke ghash ne diya maut ka payaam
Hujre se nikle rotey huwe aqruba tamaam
Tarteeb e na’sh ke liye bahar gaye Imaam
Zahra ne yaan musalle pe apna kiya maqaam
Likha hai bas namaaz isha ki ada huwi
Aur ghul utha ke binte Nabi ki qaza huwi
Maatha Hasan ne murdeh ke maathey pe rakh diya
Ro ro ke amma amma kaha aur ghash huwa
Talwon se apne maathey ko Shabbir ne mala
Paaon mein damm na paya tou ye kaan mein kaha
Mein aap ka ghulaam hoon aur noor e ain hoon
Awaaz dou Hussain hoon amma Hussain hoon