Bilqees paasbaan hai ye kiski janaab hai
Maryam durood khwaan hai ye kiski janaab hai
Shaan e Khuda ayaan hai ye kiski janaab hai
Dahleez aasmaan hai ye kiski janaab hai
Kursi zameen se leti hai goshey panaah ke
Baitha hai arsh saaye mein kis bargaah ke
Ulfat Khuda ke baad Habeeb e Khuda ki hai
Munsif ke paas ye bhi wila Kibriya ki hai
Parwa na faaqe ki na shikayat ghiza ki hai
Eezaa faqad judaaiye khair ul wara ki hai
Aab o ghiza ki fikr na sonay ka dhyaan hai
Aakhon mein shakl baap ki ronay ka dhyaan hai
Betey pukaarte hain ke lillah baahar aao
Amma na itna ro’o ghulaamo pe rahm khaao
Nana kahaan gaye hain bula laaein hum bataao
Hum kapde phaadtey hain nahi tou galey lagaao
Nana ke baad haaye ye be qadr hum huwe
Sab ek taraf huzoor ke bhi pyaar kam huwe
Baahar se Murtuza gaye ghar mein jhukaye sar
Munh dhaampe ro rahi thi akeyli who khush siyar
Dene lagey payaam arab Shaahe bahrobar
Ghabrakey boli haaye karoon kya mein be pidar
Qaabu mein maut hoye tou mar jaaon Ya Ali
Baba ka sog leke kidhar jaaon Ya Ali
Meri taraf se ahle madine ko dou payaam
Logo khafa na ho meri rukhsat hai subh o shaam
Dou chaar din tumharey muhalley mein hai maqaam
Ronay ki dhoom ho chuki ab kaam hai tamaam
Ghabrati hoon watan mein safar ke mahine se
Baba sidharey kaam mujhe kya madine se
Phir tou har ek muhalley mein mahshar bapa huwa
Apne paraaye doude ke hai hai ye kya huwa
Fizza pukari Sayyida ka waqiya huwa
Hujra Batool e paak ka maatam sara huwa
Chhaati khalaq se dekhne waloon ki phat gayi
Munh rakh ke munh pe murdeh ke Zainab lipat gayi
Mein doodh bakhshwaaney na paayi ke chal basey
Sharbat banake laaney na paayi ke chal basey
Kuch haal e dil sunaaney na paayi ke chal basey
Mein be naseeb aaney na paayi ke chal basey
Kya jald tar zamana huwa inteqaal ka
Hai hai abhi tou sin tha kul athara saal ka
Ay meri faaqa kash meri nazaar amma jaan
Ay meri be rida meri bimaar amma jaan
Ka’bey ki aabru meri sardaar amma jaan
Ay meri saabira meri nachaar amma jaan
Nana muyi tou thi koyi tazaa khitaab dou
Amma jawaab dou meri amma jawaab dou
Nanhe se sar khule huwe hain nahi sar pe topiyaa
Kahte hai kuch tou munh se nikalta hai haaye maa
Likha hai jab janaaze pe pahunchey woh neem jaa
Hasrat se dekha murdeh ka munh aur ye ki fizaa
Amma ghulaam aaye hain rukhsat ke waastey
Jaati jo tum Nabi ki ziyaarat ke waastey
Maryam durood khwaan hai ye kiski janaab hai
Shaan e Khuda ayaan hai ye kiski janaab hai
Dahleez aasmaan hai ye kiski janaab hai
Kursi zameen se leti hai goshey panaah ke
Baitha hai arsh saaye mein kis bargaah ke
Ulfat Khuda ke baad Habeeb e Khuda ki hai
Munsif ke paas ye bhi wila Kibriya ki hai
Parwa na faaqe ki na shikayat ghiza ki hai
Eezaa faqad judaaiye khair ul wara ki hai
Aab o ghiza ki fikr na sonay ka dhyaan hai
Aakhon mein shakl baap ki ronay ka dhyaan hai
Betey pukaarte hain ke lillah baahar aao
Amma na itna ro’o ghulaamo pe rahm khaao
Nana kahaan gaye hain bula laaein hum bataao
Hum kapde phaadtey hain nahi tou galey lagaao
Nana ke baad haaye ye be qadr hum huwe
Sab ek taraf huzoor ke bhi pyaar kam huwe
Baahar se Murtuza gaye ghar mein jhukaye sar
Munh dhaampe ro rahi thi akeyli who khush siyar
Dene lagey payaam arab Shaahe bahrobar
Ghabrakey boli haaye karoon kya mein be pidar
Qaabu mein maut hoye tou mar jaaon Ya Ali
Baba ka sog leke kidhar jaaon Ya Ali
Meri taraf se ahle madine ko dou payaam
Logo khafa na ho meri rukhsat hai subh o shaam
Dou chaar din tumharey muhalley mein hai maqaam
Ronay ki dhoom ho chuki ab kaam hai tamaam
Ghabrati hoon watan mein safar ke mahine se
Baba sidharey kaam mujhe kya madine se
Phir tou har ek muhalley mein mahshar bapa huwa
Apne paraaye doude ke hai hai ye kya huwa
Fizza pukari Sayyida ka waqiya huwa
Hujra Batool e paak ka maatam sara huwa
Chhaati khalaq se dekhne waloon ki phat gayi
Munh rakh ke munh pe murdeh ke Zainab lipat gayi
Mein doodh bakhshwaaney na paayi ke chal basey
Sharbat banake laaney na paayi ke chal basey
Kuch haal e dil sunaaney na paayi ke chal basey
Mein be naseeb aaney na paayi ke chal basey
Kya jald tar zamana huwa inteqaal ka
Hai hai abhi tou sin tha kul athara saal ka
Ay meri faaqa kash meri nazaar amma jaan
Ay meri be rida meri bimaar amma jaan
Ka’bey ki aabru meri sardaar amma jaan
Ay meri saabira meri nachaar amma jaan
Nana muyi tou thi koyi tazaa khitaab dou
Amma jawaab dou meri amma jawaab dou
Nanhe se sar khule huwe hain nahi sar pe topiyaa
Kahte hai kuch tou munh se nikalta hai haaye maa
Likha hai jab janaaze pe pahunchey woh neem jaa
Hasrat se dekha murdeh ka munh aur ye ki fizaa
Amma ghulaam aaye hain rukhsat ke waastey
Jaati jo tum Nabi ki ziyaarat ke waastey