Mai Aaina Hoon Woh Mera Khayaal Rakhti Hai..

 

 

Mai Aaina Hoon Woh Mera Khayaal Rakhti Hai..
Mai Tootta Hoon To Chun Kar Sambhaal Rakhti Hai..

Har Ek Masle Ka Hal Nikal Rakhti Hai..
Zehan Hai Mujhe Hairat Me Daal Rakhti Hai..
...

Mai Jab Bhi Tark-E-Taluq Ki Baat Karta Hoon;
Woh Rokti Hai Mujhe Kal Pe Taal Rakhti Hai..

Woh Mere Dard Ko Chunti Hai Apne Parron Se;
Woh Mere Waste Khud Ko Nidhaal Rakhti Hai..

Woh Doobne Nahi Deti Hai Dukh Ke Dariya Me;
Mere Wajood Ki Naaow Uchhaal Rakhti Hai..

Duaaen Uss Ki Balaon Ko Rok Leti Hain;
Woh Mere Chaar-Soo Haathon Ki Dhaal Rakhti Hai..

Ek Aisi Dhun Ke Nahi Phir Kabhi Mai Ne Suni;
Woh Munfarid Sa Hansi Me Kamaal Rakhti Hai..

Use Nadamaten Meri Kahan Gawara Hain;
Woh Mere Waste Aasaan Sawaal Rakhti Hai..