Aaj Gumsum Hay Barbaad Jazeeron Jaisi
Uski Aankhon Main Chamak Thi Kabhi Heeron Jesi
Kitnay Maghroor Paharon K Badan Chaak Howay
Taiz Kirnon Ki Jo Baarish Hoi Teeron Jaisi
Jiski Yaadon Say Khayalon K Khazanay Dekhe
Uski Soorat Bhi Lagi Aaj Faqeeron Jesi
Chaahtain Lab Pe, Machalti Larki Ki Tarhan
Hasratain Ankh Main Zindaan K Aseeron Jesi
Hum Anna Parast, Tang Dast Bohat Hain Mohsin
Yeh Alag Baat K Aadat Hay Ameeron Jesi
