zakhm-e-tanhai me.n khushbu-e-hina kisaki thi

zakhm-e-tanhai me.n khushbu-e-hina kisaki thi
sayaa dewar pay mera tha sada kisaki thi

uski raftar se lipati rahi meri aankhain
us ne mur kar bhi na dekha ki wafa kis ki thi

waqt ki tarah dabe paon ye kaun aya hai
main andhera jisay samajha woh qaba kis ki thi

ansuon se hi sahi bhar gaya daaman mera
hath to main ne uthaaye the dua kisaki thi

meri aahon ki zaban koi samajhata kaise
zindagii itani dukhi meray siva kisaki thi

aag se dosti us ki thi jala ghar mera
di gai kis ko saza aur Khata kisaki thi

main ne biina_iyaa.N bo kar bhi andheray katay
kis ke bas mein thi zameenn abr-o-hava kis kii thii

chhor di kis liye tu ne "Muzaffar" duniyaa
justjuu si tujhe har waqt bata kisakii thii

Ik taluq ko bikharne se bachane ke liye

Kaha woh tha charagha'n har ek ghar ke liye,

Kaha woh tha charagha'n har ek ghar ke liye, kaha charaGh mayasar nahi shahar ke liye, yaha darakhto'n ke saye mai'n dhoop lagti hai, chalo yaha se chale aur umer bhar ke liye, na ho qamiz to ghutno'n se pet Dhak lenge, ye log kitne munsib hai'n is safar ke liye, Khuda nahi na sahi adami ka Khwab sahi, koi hasin nazara to hai nazar ke liye, wo mutmain hai'n ki patthar pighal nahi sakta, mai beqarar hoo'n awaz mai'an asar ke liye, jiye to apne baghiche mai'n gulmohar ke liye, mare to Ghair ki galiyo'n mai'n gul_mohar ke liye.

dasht-e-shab par dikhai kya dengi

dasht-e-shab par dikhai kya dengi silawaten roshani main ubhrengi ghar ki diwaren mere jane par apni tanhaiyon ko sochengi ungaliyon ko tarash dun phir bhi adatan us ka nam likkhengi rang-o-bu se kahin panah nahin khwahishen bhi kahan aman dengi ek khushbu se bach bhi jaun agar dusari nikahaten jakar lengi khirkiyon par dabiz parde hon barishen phir bhi dastaken deng

Urdu Poetry World

Search This Blog