aataa hai kis andaaz se tuk naaz to dekho
kis dhaj se qadam pa.Dataa hai andaaz to dekho
karataa huu.N mai.n duz_diidaa nazar gar kabhii us par
nazaro.n me.n paraKh le hai nazar_baaz to dekho
[duz_diidaa nazar = sly/stealthy glance]
mai.n kanguraa-e-arsh se par maar ke guzaraa
allaah re rasaa_ii merii paravaaz to dekho
[kanguraa-e-arsh = roof of the seventh heaven]
[rasaa_ii = reach; paravaaz = flight]
ab_tar hai ye diivaa.N miyaa.N 'Mussahfi' saaraa
anjaam ko kyaa kahate ho aaGaaz to dekho
[ab_tar = scattered; divaa.N = collection of verses]
[anjaam = result/end; aaGaaz = beginning/start]
Khvaab thaa yaa Khayaal thaa kyaa thaa
hijr thaa yaa visaal thaa kyaa thaa
chamakii bijalii sii par na samajhe ham
husn thaa yaa jamaal thaa kyaa thaa
jis ko ham roz-e-hijr samajhe the
maah thaa vo ke saal thaa kyaa thaa
'Mussafi' kal jo chup saa baiThaa thaa
kyaa tujhe kuchh malaal thaa kyaa thaa
