tumhara raatoN ko uth k rona,

Kisi ki khaatir qaraar khona, 
koii sune ga to kya kahe ga ??



tumhara raatoN ko uth k rona, 
koi sune ga to kya kahe ga ??

zamana ehd-e-shabaab ka hai,
naye khuwab- o-khayal ka hai

yeh shab'bedaarii aor din ka sona, 
koi sune ga to kya kahe ga ??

Bhanwar meiN tum mujh ko chor aatey,
yuNhii mohabbat ka raaz rehta

Laa k saahil pe yuN dubona, 
koi sune ga to kya kahe ga ??

Kaha yeh maiN ne daro Khuda
se,
hamare dil ko dukha rahe ho

woh hans k bole chup raho na,
koi sune ga to kya kahe ga ??