Kiya mujhe ishq ne zalim ko'n ab ahista ahista,
Ke aatish gul ko karti hai gulab ahista ahista,
Wafadari ne dilbar ki bujhaya aatish e gham ko'n,
Ke garmi dafa karta hai gulab ahista ahista,
Ajab kuchh lutf rakhta hai shab e khilwat may gulroo so'n,
Khitab ahista ahista jawab ahista ahista,
Mere dil ko'n kiya bekhud teri ankhiya'n ne akhir ko'n,
Ke jiyo'n behosh karti hai sharab ahista ahista,
Hua tujh ishq so'n ai atishinru dil mera pani,
Ke jiyo'n galta hai atish so'n gulab ahista ahista,
Adaa o naz so'n aata hai wo roshan jabee'n ghar so'n,
Ki jiyo'n mashriq se nikle aftab ahista ahista,
"wali" mujh dil may aata hai khayal e yar e beparwah,
Ke jiyo'n ankhya'n may aata hai khwab ahista ahista.