Hum apni shaam ko jab nazar-e-jaam karte hein,,
Adab se hum ko sitaare salaam karte hein.....
Galay lagaatey hein dushman ko bhi suroor mein hum,,
BohT burey hein magar naik kaam karte hein....
Sajaayen q na isey ye saraaye hai dil ki,,
Yahan haseen musafir qyaam karte hein...
Hayaat bech dein thorey se pyar k badle,,
Ye kaarobar bhi tere ghulaam karte hein...
Humein bhi ek nazar se nawaz de Saaqi,,
Hum apne hosh-o-khird tere naam karte hein...
Qateel kitne sukhan saaz hein ye sannaatey,,
Sakoot-e-shab mein jo hum se kalaam karte hein...
