Dil bhi bujha ho sham ki parachhaiyaN bhi hon
mar jaaiye jo aise men tanhaaiyan bhi hon
aaNkhon ki surKh lahar hai mauj-e-suparadagi
ye kya zarur hai ke ab angaDaiyan bhi hon
har husn-e-sadaa lau na dil men utar saka
kuch to mizaaj-e-yaar men geharaiya bhi hon
duniya ke tazakire to tabiyat hi le bujhe
baat us ki ho to phir suKhan aaraiyan bhi hon
pahale pahal ka ishq abhi yaad hai 'Faraz'
dil Khud ye chaahata hai ke rusvaiyan bhi hon
