Maire Dard Ki Jo Dawa Kare Koi Aesa Shakhs Huwa Kare

Maire Dard Ki Jo Dawa Kare Koi Aesa Shakhs Huwa Kare
Woh Jo Be Panah Udaas Ho Magar Hijr Ka Na Gila Kare

Meri Chahtei'n Meri Qurbatei'n Jise Yaad Aaei'n Qadam Qadam
 To Woh Sab Se Chup K Libaas-e-Shab Mai'n Lipat K Aah.o.Buka Kare

Barhe Us Ka Gham To Qaraar Kho De Woh Mere Gham K Khayaal Se
 Uthey Haath Apne Liye To Phir Bhi Mere Liye Hi Dua Kare

Ye Qasass Ajeeb.o.Ghareeb Hai'n Ye Mohabatto'n K Naseeb Hai'n
 Mujhe Kaise Khud Se Juda Kare Usey Kuch Bataao K Kiya Kare

Kabhi Tay Kare Yoo'nhi Soch Soch Mai'n Woh Firaaq K Faasle
 Maire Peeche Aa K Dabey Dabey Mairi Aankhai'n Moond Hansa Kare

Bara Shor Hai Maire Shehar Mai'n Kisi Ajnabi K Nuzool Ka
 Wo Meri Hi Jaan Na Ho Kahee'n Koi Kuch To Ja K Pata Kare

Ye To Maire Dil Hi Ka Aks Hai Mai'n Nahi Hoo'n Par Mairi Aarzoo
 Ko Junoon Hai Mujhe Ye Bana De To Phir Jo Chahay Qaza Kare

Bhala Kaise Apne Hi Aks Ko Mai'n Rafeeq-e-Jaan Bana Sakoo'n
 Koi Aur Ho To Bata To De Koi Hai Kahee'n To Sada Kare

Usey Dhoondti Hai'n Gali Gali Mairi Khilwato'n Ki Udaasiya'n
 Wo Mile To Bas Ye Kahoo'n K Aa Maira Mowla Taira Bhala Kare