Dekha Hai Zindagi Ko Kuchh Itana Qarib Se

Dekha Hai Zindagi Ko Kuchh Itana Qarib Se
 Chehare Tamam Lagane Lage Hain Ajib Se!!!

Is Rengati Hayat Ka Kab Tak Uthayen Bar
 Bimar Ab Ulajhane Lage Hain Tabib Se!!!

Har Gam Par Hai Majama-E-Ushshaq Muntazir
 Maqtal Ki Rah Milati Hai Kuu-E-Habib Se!!!

Is Tarah Zindagi Ne Diya Hai Hamara Sath
 Jaise Koie Nibah Raha Ho Raqib Se!!!

Ai Ruuh-E-Asar Jag Kahan So Rahi Hai Tu
 Awaz De Rahe Hain Payambar Salib Se!!!