Ek Ajeeb Ro Thi Khiyaal Mein Mere Aagaie

Ek Ajeeb Ro Thi Khiyaal Mein Mere Aagaie
Kisi Aur Qarn Se Haal Mein Mere Aagaie,

Yeh Teri Nigah-e-Sitara Saaz Ka Hai Asar
... Yeh Jo Roshni Khad-o-Khaal Mein Mere Aagaie,

Meri Umar Mein Nahi Dukh Mein Faraq Para Hai
Yeh Kami Si Jo Mah-o-Saal Mein Mere Aagaie,

Woh Jawaab De Kay Bhi Raha Dair Tak Sochta
Koi Baat Aysi Sawaal Mein Mere Aagaie,

Tere Saath Urne Ka Soch Kar Hi Main Khill Gaie
Koi Laher Se Parr-o-Baal Mein Mere Aagaie,

Kabhi Zindgi Mein Munafqat Nahi Kar Saki
Yeh Kami Bhi Fard Mein Mere Aagaie,

Kabhi Peeche Nazm Kay Bhaagna Mujhe Par Giya
Kabhi Khud Bhi Yeh Teetri Jaal Mein Mere Aagaie.