Skip to main content

Bhaley Dinon ki baat hai

Bhaley Dinon ki baat hai
Bhali si aik Shakal thi...
Na yeh ke husn-e-taam ho
Na deekhney mein aam si...
Na yeh ke woh chaley tou, kehkishaan si rahguzar lagey
Magar woh sath ho tou phir bhala bhala safar lagey...
Koi bhi rut ho us ki chub fiza ka rung roop thi
Woh garmion ki chaoon thi, Woh sardion ki Dhoop thi...
Na aisi khush libaasian ke sadagi gila karey
Na aisey be takallufi ke aina haya karey...
Na aashqi janoon ki ke zindagi azaab ho
Na is qadar kathoor pan ke zindagi kharaab ho...
So ik rooz kia howa, wafa ki behas chirr gai
Main ishq ko amar kahoon, Woh meri zidd se chirrd gai...
Main ishq ka aseer tha, Woh ishq ko qafas kahey
Ke umer bhar ke sath ko woh bad'taraz hawis kahey...
Na us ko mujh pe maan tha, Na mujh ko us pe zoem hi...
Jub ehad bhi koi na ho, Tou kia gham-e-shikastagi...
So apna apna raasta hansi khushi badal liya
Woh apni raah chal pari main apni raah chal para...
Bhali si us ki shakl thi, Bhali si us ki Dosti
Ab us ki yaad raat din nahin magar kabhi kabhi...
Labels:

Popular posts from this blog

Main hoon dar-e-abbas hai aur meri jabeen hai

HAZRAT ABBAS (A.S) Main hoon dar-e-abbas hai aur meri jabeen hai Sab kehne ki baataian hai falaq hai na zameen hai Main hoon dar-e-abbas hai aur meri jabeen hain Zakhmi hai magar kerbala kitni haseen hai Jannat kahian duniya mein agar hai to yahian hai Main hoon dar-e-abbas hai aur meri jabeen hai Utna he yaqeen hai teri imdad ka muj ko Jitna mujy zehra ki duaoon ka yaqeen Main hoon dar-e-abbas hai aur meri jabeen hai Kyon medhat-e-abbas mein luqnat hai zaban ko Daikhoo kahian mehfil mein sakina to nahian hai Main hoon dar-e-abbas hai aur meri jabeen hai Kab maskh chedi yaad hai abbas ko lakin Kab kat gae shaane ye unhian yaad nahian hai Main hoon dar-e-abbas hai aur meri jabeen hai Humrah-e-imam ayain gian abbas bhi aik din Is baat ka her toote hue dil ko yaqeen hai Main hoon dar-e-abbas hai aur meri jabeen Zakhmi hai magar kerbala kitni haseen hai Jannat kahian duniya mein agar hai to yahian hai
Read more

Gham-e-Doran ko sada mujh se shikayat hi rahi,

Gham-e-Doran ko sada mujh se shikayat hi rahi,  Mere Aalfaaz main dhalti teri soorat hi rahi,  ...Zehen kehta tha teri shakl bhula kar rakh dun,  Par mere dil ko sada mujh se baghawat hi rahi,  Dushman-e-jan bhi mujhe jan se mehboob raha,  Teri ulfat ki mere dil pe hakomat hi rahi, Yun to jo chaha zamane me mila mujh ko Phir bhi aa dekh mujhe teri zaorat hi rahi...
Read more

chere main ne kabhi lab-o-rukhsar ke qisse

chere main ne kabhi lab-o-rukhsar ke qisse gahe gul-o-bulbul ki hikaayat ko nikhaaraa gahe kisi shahazaade ke afsane sunaaye gahe kyaa duniyaa-e-paristaan kaa nazaaraa main khoyaa rahaa jin-o-malaik ke jahaan main har lahajaa agarche mujhe aadam ne pukaaraa barason yon hi diljami-e-aurang ki khaatir sau phuul khilaaye kabhi sau zakhm kharide main likhataa rahaa hijv bagaavat manshon ki main parhataa rahaa qasrnashinon ke qaside ubharaa bhi agar dil main koi jazabaa-e-sarkash is khauf se chup thaa ke koi honTh na si de lekin ye tilismaat bhi taa der na rah paaye aakhir mai-o-minaa-o-daf-o-chang bhi TuutTe yon dast-o-garebaan huaa insan-o-khudaaband nakhachir to tarape qafas-e-rang bhi TuuTe is kashmakash-e-zarraa-o-anjum ki fizaa main kashkol to kyaa afsar-o-aurang bhi TuuTe main dekh rahaa thaa mere yaaron ne barhakar qaatil ko pukaaraa kabhi maqtal ko sadaa di gahe rasn-o-daar ke aagosh main jhuule gahe haram-o-dair ki buniyaad hilaa di jis aag se bharpuur thaa maahaul kaa sinaa wo a...
Read more