Dil main jo kuch hai abhi us ki pazirai nahi
Hama Khushbu hun par khilane ki ghari ai nahi
Ankahi bat ke sau rup kahi bat ka ek
Kabhi sun wo bhi jo minnat-e-kash-e-goyai nahi
Meri nazaron main hai khilate hue phulon ki tarah
Wo nami jo abhi shaKhon main bhi laharai nahi
Kya manazir the ki jo dekhati ankhon ko dekhe
Khwab bunata hun ki asuda-e-binai nahi
Sabhi dana sabhi sar Dal ke chup baiThe rahe
Ki yahan koi bhi shaista-e-ruswai nahi
Dil bujha ho to gul-e-naGma bhi nashtar hai `Zia`
Shiddat-e-Gam ka ilaj anjuman-e-arai nahi
No comments:
Post a Comment